Pronóstiko di tempu pa Kòrsou i bisindario bálido te djasabra mainta 06:00 o.l, 14 di sèptèmber 2019.

Pronóstiko

Pronóstiko di tempu pa Kòrsou i bisindario bálido te djasabra mainta 06:00 o.l, 14 di sèptèmber 2019.
Kompilá: djabièrnè 13 di sèptèmber 2019, 05:00 o.l.  (09:00 UTC).

Tempu: Por lo general parsialmente nublá i no ta antisipá áwaseru signifikante.

Temperatura máksimo lo alkansá 33 ºC, i temperatura mínimo di 28 ºC.
Solo ta sali 06:25 i ta baha 18:39 o.l.

Bientu: Generalmente ost i moderá; forsa 3 pa 4 (12 pa 30 km/ora, 7 pa 16 nudo). Ráfaga de bes en kuando basta fuerte te posiblemente fuerte; forsa 5 te 6 (31 pa 50 km/ora, 17 pa 27 nudo).

Situashon general: Durante di próksimo 24 ora, kondishon atmosfériko relativamente stabil ta sigui limitá desaroyo di nubianan i eventual áwaseru signifikante den nos region. Sin embargo, tin un posibilidat pa un òf mas áwaseru durante di djasabra mardugá i mainta. Mas aleu, e fluho di bientu moderá den nos área lo kontinuá tambe aserkando wikènt.

Kondishon di laman: Trankil te moderá ku altura di olanan entre 0.5 pa 1.5 meter (2 pa 5 pia).

Sistemanan signifikante di wer tropikal: Un disturbio ta move di ost pa wèst riba Atlántiko Tropikal, awe tardi na vários shen kilometer wèst di e islanan den Kabo Verde. Aktualmente e sistema tropikal aki no ta un menasá pa Kòrsou i Karibe. No opstante esaki, Departamento Meteorológiko Kòrsou ta sigui vigilá desaroyo di e disturbio aki.

Fenómeno spesial: Ningun.

Perspektiva te djadumingu mainta: Parsialmente nublá i generalmente seku.

Meteorólogo: Rombley.