Duo detené pa ladronisia

KOMUNIKADO DI PRENSA
160/2024
31 mart 2024
Duo detené pa ladronisia
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djadumingu 31 di mart 2024 alrededor di 06.20’or, a drenta informashon na Sentral di
Polis, ku deskonosínan tabata bezig hòrtando piesanan di outo for di vehíkulonan stashoná
riba e tereno di warda di reshèrshi.
Testigunan lo tabata mira kon dos hòmber tabata pasa piesanan over di e muraya pa hinka
den un vehíkulo ku tabata stashoná parti pafo di e edifisio.
Mesora a mobilisá unidatnan ku tabata den e serkania i nan a logra di pone man riba e
hòmbernan G.V.B.M. di 19 aña di edat Y.A.C.N. di 22 aña di edat, ámbos nase na Kòrsou.
A konfiská e vehíkulo di e sospechosonan tambe.
A presentá e duo dilanti di un fiskal ouksiliar ku a ordená su enkarselamentu pendiente di
mas investigashon.
