Milayne Simon elegí komo Miss Playa Curaçao 2024
WILLEMSTAD – 8 di aprel 2024 – Despues di 6 aña, Curaçao Beauty Pageant Committee a trese bèk Miss Playa Curaçao durante fin di siman; i eksitosamente ku un akohida total, Kòrsou a disfruta di un evento ku hopi glamur, estilo trópiko i playero na Saint Tropez Ocean Club.
Bòu di guia di Maestronan di seremonia Monifa Jansen i Alamende Belfor, e evento a profila varios modelonan invitá for di Boneiru i Kòrsou, tantu maskulino i femenino – den trahenan di Praia Brazilian Swimwear, Per lei Lingerie, Carmen Steffens, Jack & Jones ku asesorionan di Gattaleya Accesories i Datie Souveniers. E modelonan di Management by Akisha Albert tambe a lusi riba esenario pa e publiko fanatiko ku a bin pa apoya tur e kandidatanan presente.
E evento aki a trese hopi protagonista prinsipal di beyesa di nos tera huntu atrobe, pa selebrá e potenshal di beyesa di nos pais Kòrsou, i alaves rekouda fondo pa sigura un bon preparashon di nos kandidatanan kompetiendo pa e titulo maksimo di Miss Universe Curaçao, kual lo tuma luga dia 25 di mei na Sandals Royal Curaçao.
aki e resultado di e evento Miss Playa Curaçao 2024:
- Kandidata Milayne Simon a wòrdu elegí komo Miss Beautiful Legs,
Miss Beautiful Skin, Miss Best Smile, Miss Best Catwalk i e overall
winner Miss Playa Curaçao 2024 - Kandidata Ryanne Busropan a wòrdu elegí komo
Miss Best Creative Fashion Swimsuit - Kandidata Liandra Lindeborg a wòrdu elegí komo
Miss Confident Personality
Curaçao Beauty Pageant Committee ta gradisi inmensamente su elenko di hurádonan i otro partnernan ku tambe a logra hasi e evento posibel – manera entre otro: Klinik Medical Beauty, BodyTech Fitness & Spa, Eden Beach Resort Bonaire, Kayco, Inspiracion Curaçao, Aro Productions, Saint Tropez Ocean Club i Curaçao Tourist Board.
CBPC ta sigui ku e proseso intenso di preparashon di nos 10 kandidatanan i alaves ta invita pueblo di Kòrsou pa sigui apoya e desaroyonan rondó di e sertamen Miss Universe Curaçao 2024 via pagina di faceBook ‘Curaçao Beauty Pagant Committee’ i instagram http://www.instagram.com/missuniversecuracao_official
