“No t’ami kubo”, título di e di dos disko kompakto nobo di Lady Ella!

“No t’ami kubo”, título di e di dos disko kompakto nobo di Lady Ella!

Willemstad – Despues di a drenta studio aña pasá i graba su promé disko kompakto di tambú ku éksito, Lady Ella ta bolbe kumpli ku su fanatikonan pa e temporada akí di 2019. Un kompakto ku ta konsistí di 8 tambú nobo den pèn di kompositornan manera Ludsella “Tela” Sambo, Reginon Dorothea, Roderick “Tula” Bernadina, Randall Kirindongo. Kada kompositor a haña espasio pa usa nan kreatividat sin wòrdu limitá ku énfasis riba trese situashonnan pekuliar dilanti pero ku kada ken por mira nan mes den dje! 

Lady Ella a bin ta krea su propio estilo den tambú i a kompilá den e kompakto akí tambúnan ku por kai na agrado di grandi i chikí pero ku e enfoke mas tantu riba hóbennan. 

Keda pendiente pa un produkshon mas ku hopi dedikashon pa sigui kontribuí na nos kustumber di fin di aña, temporada di tambú.