Resolushon ENNIA: Firma di akuerdo riba puntonan prinsipal (‘Hoofdlijnenakkoord’)

 

Willemstad/Philipsburg – Centrale Bank van Curaçao en Sint Maarten (CBCS) i gobièrnunan di
Kòrsou i Sint Maarten a firma awe un akuerdo riba puntonan prinsipal (‘hoofdlijnenakkoord’)
pa yega na solushon di e problemanan na ENNIA. Firmando e akuerdo akí konhuntamente,
partidonan a logra yega, den bon kooperashon i na interés di e aseguradonan di ENNIA, na un
solushon sostenibel pa e problema kompleho akí.
Durante próksimo lunanan lo konsentrá riba implementashon di e akuerdo. E proseso akí ta unu
ekstenso. P’esei koutela ta di sumo importansia.
E implementashon akí tin komo meta un restrukturashon ku ta enserá kontinuashon parsial di
ENNIA, inkluso e servisionan di seguro di bida. E parti di aktividatnan di seguro di ENNIA ku lo ta
meta di e kontinuashon, lo sigui pafó di e areglo di emergensia i independientemente di gobièrnu.
Kontribushonnan finansiero na largo plaso di Kòrsou i Sint Maarten i CBCS lo evitá tambe ku ta
restringí pólisanan di penshun. Lo krea un Fondo di Resolushon relashoná ku e kontribushonnan
finansiero akí.
CBCS lo sigui informá e partidonan interesá di ENNIA na e mihó manera posibel tokante progreso
di implementashon. Durante e implementashon, CBCS lo sigui salbaguardiá interes di kreditornan
konhunto di grupo ENNIA, inkluyendo aseguradonan.
Willemstad, 11 di aprel 2024
CENTRALE BANK VAN CURAÇAO EN SINT MAARTEN