Apertura di Weganan Interinsular Eskolar a tuma lugá djabièrnè 12 aprel 2024 na Sentro Deportivo Kòrsou (SDK).
WILLEMSTAD – Apertura di Weganan Interinsular Eskolar a tuma lugá djabièrnè 12 aprel 2024 na Sentro Deportivo Kòrsou (SDK). Minister enkargá ku Deporte sr. Sithree vn Heydoorn a hasi e apertura den presensia di promé minister di Kòrsou sr. Gilmar Pisas, minister di deporte di Aruba sr. Andy Croes, deputado enkargá ku deporte di Bonaire sr. Clark Abraham i vários dignatario mas di e islanan. E weganan a keda organisá pa Fundashon Desaroyo Deportivo Kòrsou (FDDK) den estrech koperashon ku INDEBON, IBISA i Ministerio di Enseñansa, Siensia, Kultura i Deporte. E kompetensia ta konta ku partisipashon di alumnonan di skol fundeshi di Kòrsou, Aruba i Bonaire.
E dianan 12 i 13 di aprel na SDK ta tene kompetensia den e disiplina deportivo di basketbòl, volibòl i atletismo. Manera e lema di FDDK: Huntu pa mas deporte i moveshon’, Ministerio di ESKD ta animá tur nos alumnonan pa duna nan máksimo esfeuro den e kompetensianan.
