Minister di ESKD sr. Sithree van Heydoorn a firma akuerdo Tula speshal pa finansiamentu pa studiantenan di Kòrsou (Tulabeurs) ku Minister di Hulanda sr. Robbert Dijgraaff.
WILLEMSTAD – Ministernan di Enseñansa di Reino a tene un konferensia di prensa (KdP) na Universidat di Kòrsou después di e Konferensia SEA i a duna informashon di tur e puntonan ku a keda tratá. Puntonan importante ku a keda atendé den e konferensia ta: Konferensia di SEA, entrega di promé number di BSN pa studiante nan di Karibe, diálogo ku studiante i dekanonan, biahe di trabou di Minister R.Dijkgraaff (Kennisbezoek), ‘Leerstoel’ i Akuerdo Tula.
Minister di ESKD sr. Sithree van Heydoorn a firma akuerdo Tula speshal pa finansiamentu pa studiantenan di Kòrsou (Tulabeurs) ku Minister di Hulanda sr. Robbert Dijgraaff. Esaki ta relashoná ku e trayekto di ‘Slavernijverleden’ kaminda Hulanda ta pone fondo disponibel pa nos komo pais pa finansiá nos hòbennan su estudio.
