Kabinete Pisas II ta sigui entregá gobernashon di nos pais na Ulanda.
Kabinete Pisas II ta sigui entregá gobernashon di nos pais na Ulanda.
Ontvanger
Despues ku Minister di Finansas a keda koregí pa su koleganan di kabinete Pisas II, den su intento pa kore di forma ilegal, esta kontra di lei di àmptenar(LMA), ku e persona di Ontvanger, nos pais mes a outo-koregí e fayo ya ku e minister di finansas suplente a koregí e intento ilegal aki ku medidanan dirigí pa drecha e organisashon di Landsontvanger. E medidanan ta enserá trata pa bin k’un plan di mehorashon, evaluashon, monitoriá i raportage di esaki dor di SOAB, rekobrá ‘voorschotten’ , kompletashon di dossier i areglonan di pago, kontinuashon i intensifikashon di kontrolnan interno dor di SOAB, introdukshon di un punto di keho pa pagadó di belasting i un kampaña di informashon.
Kabinete Pisas II ta laga Hulanda gara poder riba gobernashon di Kòrsou
Mirando e korekshon hasí pa kabinete Pisas II, nos a tuma nota ku asombro ku kabinete Pisas II den un karta fechá 12 di aprel 2024 a kore sostené e sekretario di estado Van Huffelen den su usurpashon di outoridatnan di nos gobernashon por medio di un simpel karta fechá 10 di aprel 2024. Kabinete Pisas ta permití un sekrerario di estado Ulandes pa gara poder kontra di e lei konstitushonal mas haltu di nos pais ku ta Statüt, poniendo den e proseso aki ademas nos parlamento un banda.
Landspakket
Parlamento a lucha duru pa eliminó e lei “COHO” ku lo a duna Ulanda outoridat pa goberná nos. Asina mes e Landspakket firmá pa kabinete Pisas II a entregá demasiado parti di nos outonomia i gobernashon interno na Hulanda i pa kolmo ta hasi nos mas pober. Por ehèmpel ku e medida pa baha penshun di àmptenar, e asina yama “duurtetoeslag”, ku no obstante promesanan hasí pa promé minister ketu bai ta den e landspakket. Ta pa e tipo di motibunan aki kabinete Pisas II ta ninga di bai Parlamento pa regularmente raportá riba ehekushon di e medidanan den Landspakket. Awor kon ta posibel ku usando palabrá di húbilo e gobiernu aki ta siguí entregá na Ulanda?
Konklushon
Un biaha mas Kabinete Pisas II ta entregá gobernashon di nos pais na Ulanda anto sin sikiera bai parlamento di Kòrsou. Foei!