Detenshon relashoná ku ladronisia di vehíkulo
KOMUNIKADO DI PRENSA 193/2024
18 aprel 2024
Detenshon relashoná ku ladronisia di vehíkulo
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Relashoná ku un kaso di ladronisia di outo ku a tuma lugá entre 12 pa 13 di aprel 2024 riba
Cubaweg den área di un establesimentu, polis a realisá dos detenshon.
Djaweps 18 di aprel 2024, personal di e departamentu ku ta investigá ladronisia di vehíkulo
a detené e hòmber S.K. di 24 aña di edat nasé na Kòrsou.
Su detenshon a tuma lugá riba Schottegatweg (O).
Kontinuando ku e investigashon alrededor di 16.10’or polis a detené e di dos sospechoso.
Ta trata di e dama T.A.B.K. di 18 aña di edat nasé na Kòrsou.
Detenshon di e dama aki a tuma lugá na warda di Reshèrshi.
A presentá ámbos sospechoso dilanti di un fiskal ouksiliar, ku a ordená nan enkarselamentu
pendiente di mas investigashon.
