Kontròl
KOMUNIKADO DI PRENSA 194/2024
19 aprel 2024
Kontròl
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaweps 18 di aprel 2024, personal di polis di Otrobanda kombiná ku personal di polis di
Punda, Rio Canario i Bike-Tim a tene kontròl na diferente sitio den área di Otrobanda.
E kontròl aki tabata basá riba violashon di lei di opio i lei di arma.
A kontrolá na dies (10) sitio, 52 persona i sinku (5) vehíkulo. Ademas a detené tres (3)
persona.
Ta trata di e hombernan R.K. di 34 aña di edat nasé na Kòrsou pa violashon di lei di opio,
C.W. di 19 aña di edat nasé na Kòrsou ku tabata wòrdu buská pa hustisia i J.A.T. di 23 aña
di edat nasé na Repúblika Dominikana pa violashon di lei di opio.
A konfiská fl. 587,73 kèsh, sakunan konteniedo mariwana, kokaina i hash.
A la bes a konfiská sigarianan di mariwana, arma blanku i un bala skèrpi.
E kontròlnan aki lo kontinuá.