KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

KURSO PA SERTIFIKADO B PA TRANSPORTE PÚBLIKO

MINISTERIO KONSERNÍ TRÁFIKO, TRANSPORTE I PLANIFIKASHON URBANO

 

KURSO PA SERTIFIKADO B PA TRANSPORTE PÚBLIKO

PUBLIKÁ RIBA 21 APREL 2024

Willemstad – Ministerio di Tráfiko, Transporte i Planifikashon Urbano (VVRP) den estrecho kolaborashon ku Ofisina di Turismo di Kòrsou (CTB) ta organisá kurso pa optené sertifikado B pa uso den Transporte Publiko. 

 

E kurso lo keda duna pa e empresa “Nostra Growth” pa kual e kursistanan ta risibí un sertifikado rekonosé dor di Ministerio di Enseñansa, Siensia, Kultura, i Deporte. 

 

Ta habri inskripshon pa 2 grupo di sertifikado B ku lo kuminsá den luna di mei 2024. E promé grupo ta konsistí di partisipantenan ku a registrá den 2023 ku tabata kumpli ku kriterianan nesesario, pero no a logra forma parti di e grupo di aña pasa pa motibu di skarsedat di kupo. 

E di dos grupo lo bira pa personanan ku e aña aki ta interesá pa traha den e sektor di transporte públiko i turismo. Tur 2 grupo lo start den mei 2024 i e lèsnan lo tin un durashon di 14 siman. Lo haña lès 4 bes pa siman di 18:00 – 21:00.

 

Inskripshon lo ta digital via di un link riba website i òf pagina di facebook di e empresa Nostra Growth. E link lo habri dia 24 di aprel 2024 pa 12or di mèrdia, i lo keda habrí pa 48 ora, pues ta sera dia 26 aprel 12or di mèrdia. 

 

Pa bini na remarke pa inskribí, mester kumpli ku e sigiente kriterianan:

• Inskribí den nos registro sivil,
• Edat entre 25 i 62 aña,
• Ta den posishon di un karchi ousiliar balido i ta aktivo den Transporte Públiko,
• Gastu pa inskripshon ta fl. 750,00 (kual lo mester keda pagá despues dje ronda di selekshon) i 1 siman promé kue inisio dje kursonan.
639114718427035"
639114718427035"