(video) Kuater detenshon relashoná ku maltrato

KOMUNIKADO DI PRENSA 211/2024
2 di mei 2024
Kuater detenshon relashoná ku maltrato
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djárason 1 di mei 2024 alrededor di 17.47’or, Sentral di Polis a dirigí un unidat dilanti di un
establesimentu na altura di Schottegatweg West pa un bringamentu.
For di investigashon preliminar ku polis a hasi a sali na kla ku e problema tabata relashoná
ku debementu.
A surgí un diskushon fuerte entre dos hòmber ku a tèrminá den un bringamentu na grupo,
di kua e víktima a risibí basta sla.
Na e sitio polis a detené, e hòmbernan J.L.C. di 60 aña di edat nasé na Aruba, R.G.M. di 67
aña di edat nasé na Kòrsou, A.M.O.S. di 47 aña di edat nasé na Colombia i e dama S.M.C.
di 56 aña di edat nasé na Kòrsou, pa e maltrato ariba menshoná.
A presentá e kuarteto dilanti di un fiskal ouksiliar, ku a ordená su enkarselamentu
pendiente di mas investigashon.

