Presidente di Trabou Pa Kòrsou Jonathan Symor Mester a kuminsa ehekutá pa futuro masha dia Minister di ekonomia ta bula riba 1 pia enbes di krea mas pilá ekonómiko No por stèns riba turismo so. Refinería i frontera ku Venezuela a suak nos kaba.

May 2, 2024 REDAKSHON

Presidente di Trabou Pa Kòrsou Jonathan Symor

Mester a kuminsa ehekutá pa futuro masha dia

Minister di ekonomia ta bula riba 1 pia enbes di krea mas pilá ekonómiko

No por stèns riba turismo so. Refinería i frontera ku Venezuela a suak nos kaba.

Jonathan symor, Presidente di Trabou pa Kòrsou ta di opinión ku turismo ta bon, pero ta danki na efektonan di geopolitika, manera malesa nan ku guera. Pero e Minister di ekonomia no a krea otro pilá ekonómiko nobo. Por ehèmpel: e trabòu nan nobo di futuro ku ILO ta papia di djé. Atrahe invershonista internashonal pa establesé aki nan. Kua isentivo fiskal ela proponé na Minister di finansas pa atraé invershonista internashonal? Jamaica a hasi asina. Tur país ta hasi asina. Free zone, yen lugá pará bashí, kiko Minister di ekonomia a hasi pa huza Kòrsou su haf di kontainer i hasié mas atraktivo i dòbel su aktividatnan? Kiko a para di kompanía di gas pa baha preis di koriente? Esaki tambe lo a produsí trabòu pa e yiu di tera. Pueblo ke sà. A bini ku “eagle” pero nos no a tende nada mas. (Energia renobabel). For di lastu elekshon TPK ta propaganda esakinan. Si enberdat e Minister aki tábata tin plan di komberti shushi den energia, awe después di 3 aña esaki mester ta kla. I no ta awor aki Minister Presidente ta kana tuma informashon serka algun kompanía i saka potrèt pon’é den korant. 3 aña después esaki mester ta kasi kla of operashonal kaba i awoki pueblo lo ta disfrutando di preis di koriente mas abou. Awoki ta tirament’i santu den wow’i hende. Ta manera kos ku bosnan ideanan a kaba i awor ta kuminsá kue tur kos ku Trabou Pa Kòrsou a kompañá kuné pa hasi. Maske ta asina pueblo por benefisia.

Kiko Minister di MEO ta hasiendo riba e área teknologiko pa krea trabòu. Kiko ela hasi pa kompania nan grandi establesé maske ta nan (headquarters) ofisina prinsipal serka nos. Esaki nan ta trabòu nan ku ta pagá bon. Salario haltu. Minister di ekonomia a laga investigá kiko mester hasi pa nos haña nan. Tin un dokumento? Tin rapòrt? Minister di ekonomia sa of a laga hasi investigashon kuantu hende mester pa den futuro, pa kua tipo di trabòu? Pa for di awoki laga prepará nos hendenan. Pasa den e lista di kobrado nan di onderstaand i laga prepará nos hendenan pa esunan ku tin e nivel i kapasidat pa hasi e trabòu nan aki ora e momentu yega? TPK no ta mira ku e Minister di ekonomia tin bista riba futuro. Un di Kòrsou su forsa nan ta ku nos ta hub. Invoer ku doorvoer. Kua plan Minister di ekonomia tin pa dòbel e aktividatnan aki via haf i avion.

Esaki ta nifiká mas entrada den kaha di gobièrnu i no ta keda kobra impuesto foi di e pueblo so. E ta nifiká mas trabòu, mas aktividatnan komersial. Mas moveshon den haf i aeropuerto.

DI KÒRSOU PA MUNDU. MAS INGRESO PA KÒRSOU

Kiko Minister di ekonomia a hasi pa subi aktividatnan di servisio Internashonal. . Awendia internet ta ofresé oportunidat amplio. Biba na Kòrsou traha pa mundu. Servisio di traha software, Consultancy, therapia mental, online Educator, Virtual Reality, servisio médiko.