405 dia sin kontesta 8 karta di TPK pa penshonadonan. Atrobe gobiernu ta laga penshonadonan na kaya pa nan duurtetoeslag landspakket: edat di penshun rumbo pa 66 den 2025 i 67.

Parlamentario Rennox Calmes

405 dia sin kontesta 8 karta di TPK pa penshonadonan.

Atrobe gobiernu ta laga penshonadonan na kaya pa nan duurtetoeslag

landspakket: edat di penshun rumbo pa 66 den 2025 i 67.

Líder politiko di Partido Trabou pa Kòrsou, Sr. Rennox
Calmes ta lamenta ku atrobe gobiernu ta laga penshonadonan na
kaya. E kareda eterno di kore tras di edat di penshun ta sigui bou
di gabinete Pisas 2 tambe. Gobiernu a negosha den landspakket
pa subi edat di penshun na 66 pa aña 2025 i mas despues kisas
67. Esaki ta depende di investigashon di un instituto
independiente apunta dor di TWO. Ta hasi 405 dia ku TPK a
manda 8 karta pa sa futuro di “duurtetoeslag” di penshonadonan
di APC, UPAH i SELIKOR. Gobiernu ta asina sin rèspèt pa e
penshonadonan ku gobiernu no ta kontesta karta di parlamentario
Calmes ku mester a wòrdu kontesta den 8 siman.
Awor e penshonado mester bai warda i depende di e Reforma sosial pa wak kiko ta bai pasa
ku su “duurtetoeslag”. Algu inhustu paso e penshonado ku a traha i yega su edat di penshun,
no por ta depende di reforma sosial ku mester bai atende entre otro subida di onderstand i un
fondo pa hendenan ku pèrdè trabou. Mientras no atende duurtetoeslag e penshonado tambe ta
biba den pobresa paso su sen no ta alkansa fin di luna. Stòp di habuza. Ta mane kos ku ke
bisanan muri pa kaba pa nos skapa di bosnan.
Subida di onderstand. Ora makamba bisa hasie, si ta bon?
Den lands pakket gobiernu a bai di akuerdo pa subi onderstand te ku 70% di salario minimo.
Esaki lo bira 1367.59. Elekshon 2021 dia ku Trabou pa Kòrsou a bisa ku mester subi
onderstand na 1100 florin, a tilda TPK di ta hasi kampaña barata. TPK a bisa ku ta imposibel
pa hende biba for di apenas 252 florin pa kinsena. Praktikamente ta den pobresa e hendenan
aki ta biba. TPK sikiera a bini ku un plan di transishon. Den e reformanan den landspakket no
tin skirbi nada di un plan pa prepara e hendenan aki i mandanan bai traha. E plan di Trabou
pa Kòrsou ta pa e hendenan aki pasa 3 aña den e sistema i despues mandanan bai traha, pero
e plan di landspakket ta mustra di ke tene nan permanente den onderstand.