Parlamentario Rennox Calmes

TPK a atverti foi trempan ku populismo no gusta struktura, regla i organonan di estado

No por uza mail di trabou pa kobra amtenar impuesto

Karta di pregunta a bai pa ministsr di BPD i Finansa titulá: no brua lechi ku magnesia

Líder politiko di Partido Trabou pa Kòrsou, Sr. Rennox
Calmes a tuma nota di un publikashon kaminda un miembro di
direktiva di sindikato ABVO ta trese un preokupashon dilanti,
kaminda ku aparentemente gobiernu lo a hasi uzo di email di
trabou di amtenar pa kobra nan impuesto atrasa. Esaki sigur no
por i no mester wòrdu asepta. E amtenar mester konsidera e email
aki komo no mandá. Si bo asepte 1 bia, lo bo mester keda asepta
esaki pa semper. No mester brua lechi ku magnesia. No por kue
un email adres di trabou ku bo a duna e amtenar pa hasi kos di
trabou. I paso abo ku ta doño di trabou tin e email aki den bo poder bo ta uze pa atende kos
priva di e trahado, den e kaso aki e amtenar. Esaki no por. Esakibta krea presedente ku manan
Dios ke gobiernu lo ke disidi di tene sen for di salario di e amtenar sin bai prosedura via korte
pa pone beslag djis paso gobiernu tin e informashon i parti atministrativo di salario di e
amtrbar bou di dje. Pues laga nos no krea presedente robes i mester kòrta e asuntu aki den
tòm. Pesei TPK a manda un karta pa minister di BPD i minister di Finansa ku preguntanan
relashona ku e suseso aki i ta warda e 8 simannan pasa pa tuma e siguiente pasonan pa
proteha i garabfisa ku gobiernu no ta hasi esaki nunka mas.
TPK no ta asombra
Trabou pa Kòrsou no ta asombra ku algu asinaka ta pasa bou di e gobiernu aki. TPK a atverti
pa tene kuidou ku populismo. TPK a splika e karakteristikanan di populismo den politiká.
Awèl awor pueblo tin ku dil ku e efektonan di polpulismo den politika. Paso populismo den
politika no ta respeta regla, lei ni organonan di estado. Populismo ta sinti ku te ta Dios anto e
so tin rason i e ta pasa trapa tur struktura i lei ku e la bin haña pa mantene un estado
demokratiko. Basta e logra su meta final. E lo kuminsa hasi esakinan na momentu ku bou di
manipulashon e a logra haña atenshon i konfiansa di un mayoria di pueblo. Manipulashon
paso su desishonnan ta mustra popular den wowo di pueblo, pero riba termino largu nan ta
resulta den desaster pa e pueblo i asta e ta hañe ta drai nan bèk den termino mas kortiku ku e
mes a spera. Ehempelnan ku nos tin ta: eksonera 3 miljard di impuesto, lei topinkomsten,
keda sin publika lei OZB, keda sin atende duurtetoeslag, deskriminashon den OZB tildando
ku riku si mester paga i pober no. AOV i minimum loon NO, sobra si. Krea separashon i
divishon den pueblo ta un di e ardunan di populismo den politika. Enbes di laga kada ken
kontribui según su forsa pa di e manera ei tur hende kontribui i krea balor di Kòrsou.