PREPARASHONNAN TA KONTINUÁ PA NOS SELEKSHON FEMENINO SU PARTISIPASHON NA CARIBBEAN QUEENS FRIENDLY MATCHES 2024! NOS HUNGADÓNAN TA KONOSÍ!

PREPARASHONNAN TA KONTINUÁ PA NOS SELEKSHON FEMENINO SU PARTISIPASHON NA CARIBBEAN QUEENS FRIENDLY MATCHES 2024!

NOS HUNGADÓNAN TA KONOSÍ!

 

 

Tiki tiki pero sigur e ora 0 ta yegando pa nos selekshon femenino senior su partisipashon na e Caribbean Queens Friendly Matches 2024 kaminda Kòrsou, Aruba i Trinidad & Tobago lo enfrentá otro di 28 di mei pa 3 yüni 2024. Tur partido lo tuma lugá 7’or di anochi den Stadion Rignaal ‘Jean’ Francisca.

 

Nos selekshon tin vários luna ta praktiká i preparando pa saka kara di Kòrsou. Un grupo di 22 hungadó ta forma parti di nos selekshon nashonal femenino senior. E hungadónan aki ta hungadónan áktivo di nos Kampionato Femenino pero tambe tin 8 hungadó residensiá den eksterior ku lo bin pa reforsá nos selekshon.

 

Nos selekshon ta wòrdu dirigí pa sr. Dean Gorré ku ta wòrdu asistí pa sr. Raúl Triana Gonzalez Ku Heinrich Roojer i sr. Pablo Alomá Mark komo entrenadó di portero. Sra. Denice Linger Berggraaf i sra. Laicam How Coeriel ta e masahistanan miéntras dòkter Eartha Helstone tambe ta kompañá nos selekshon. Sra. Jadira Laaf ta enkargá ku e materialanan di nos selekshon, e ‘team manager’ di nos selekshon ta sra. Christine Davelaar i e hefe di delegashon ta sra. Sharetti Bryan, miembro di direktiva di FFK.

 

E siguiente hungadónan ta forma parti di nos selekshon;

 

1. Julainy Fanijten Thielman (Excellence School)
2. Jeleaugh Rosa (MSV Duisburg, Alemania)
3. Ignarda Pieternella (Hubentut Fortuna)
4. Anaïse Piar (Hubentut Fortuna)
5. Naychelene Nisia (Excelsior, Hulanda)
6. Lauryn Richardson (Inter Willemstad)
7. Sadéyah Rosa (FC Skillz, Hulanda)
8. Kadisha Martina (Inter Willemstad)
9. Taïsha Hansen (Inter Willemstad)
10. Thiheyna Susana (Undeba)
11. Riesmarly Tokaay (Hubentut Fortuna)
12. Ashanty Alexandre (Excellence School)
13. Kyara Bernadina (FC Skillz, Hulanda)
14. Emily Pulido Baloa (Excellence School)
15. Queen-Jelly Alexandre (Excellence School)
16. Gervionna Martina (Jong Colombia)
17. Curilma Carolina (Inter Willemstad)
18. Raëngelly Keller (VV Spirit, Hulanda)
19. Lindsey Hart (Excelsior Maassluis, Hulanda)
20. Rozan Snoek (WVHEDW, Hulanda)
21. Celainy Obispo (Feyenoord, Hulanda)
22. Charnainelys Andrea (Excellence School)

 

 

Karchinan pa e partidonan di Kòrsou ta kosta fl.10,- pa adulto miéntras mucha di 6 pa 12 aña i 60+ ta kosta fl.5,-. Tambe por kumpra un pakete di karchi ku tur e 4 weganan di Kòrsou na balor di fl.35,- pa adulto i fl.15,- pa mucha di 6 pa 12 aña i 60+. E karchinan lo ta disponibel na e lokètnan di stadion un ora promé ku kada partido inisiá.

Preparashonnan ta kontinuá pa nos selekshon femenino senior su próksimo partidonan di e Caribbean Queens Friendly Matches 2024 ku lo tuma lugá di 28 di mei pa 3 di yüni 2024 aki na Kòrsou.

 

Pueblo di Kòrsou ta keda kordialmente invitá pa bin mira kiko tur nos selekshon femenino tin aden, nos damanan ta wardabo!

 

19 mei 2024