AMAK A DUNA INISIO NA E PROYEKTO OPTIMLISASHON NIVEL MUSIKAL

 

AMAK A DUNA INISIO NA E PROYEKTO OPTIMLISASHON NIVEL MUSIKAL

WILLEMSTAD-Djaluna anochi dia  19 di mei último AMAK a duna informashon tokante e proyekto nobo di optimalisashon di nivel mudikal pa miembronan di AMAK. Esaki a tuma luga riba e patio Errol Toro Colina na Curaçao Festival Center. Durante e konferensia di presna aki presidente di AMAK sr. Manfred Gomes, minister Sythree van Heydoorn, presidente di komishon fiho den parlamentu riba asuntunan ku ta regardá OWCS parlamentario Gilbert Doran i miembro di direktiva Hunneley Felicia a hiba palabra.

Sr. Gomes a duna un rekuento di e importansia di e proyekto aki ku ta elevá e nivel musikal di nos músikonan kaminda nan ta siña les músika. Minister van Heydoorn a elaborá riba e echo ku ta algu ku gobièrnu ta aploudí i asina por krea mas músiko di nivel pa nos pais ku tin hopi talento. Parlamentario Doran a mustra e echo ku nan ta para tur tur tras di e proyekto aki i ku ta unu ku masha tempu mester a bira faktibel. Finalmente Hunneley Felicia a ámplia riba e proyekto mes indikando ku esaki tin un durashon di 7 luna kaminda 35 kursista músiko ta bai sigi esaki durante 3 ora den siman. Tin 6 disiplina ku lo bai konsentrá riba dje kual ta Piano, Kitara/Kuarta, Bas, Perkushon i Brass. Músikonan vèrsá lo fungi komo dosente durante e 7 lunanan aki pa asina den final di novèmber Kòrsou por tin un kantidat di músiko ku un nivel mas ayá. E siman aki mes e promé lèsnan a start.

Direktiva di AMAK ta desea tur e músikonan partisipante hopi éksito i ku na final nan por ta sigur ku nan a ámplia nan konosementu musikal.