TA HABRI SCHOTTEGATWEG NA ÁLTURA DI MANGUSA RIO PA TRÁFIKO E WIKÈNT AKI
![](https://i0.wp.com/gobiernu.cw/wp-content/uploads/2024/05/IMG_6077.jpeg?w=800&ssl=1)
MINISTERIO KONSERNÍ TRÁFIKO, TRANSPORTE I PLANIFIKASHON URBANO
TA HABRI SCHOTTEGATWEG NA ÁLTURA DI MANGUSA RIO PA TRÁFIKO E WIKÈNT AKI
PUBLIKÁ RIBA 24 MEI 2024
Willemstad – Servisio pa Obra Públiko (OW) ta informá ku riba djasabra 25 di mei ta habri tur via di tráfiko na ambos lado di Schottegatweg na áltura di Mangusa Rio bèk. A kaba ku trabounan pa elevá e kaya, i a marka e kaminda konformé reglanan di tráfiko. Alabes, ta informá ku riba djaluna 27 i djamars 28 di mei, lo sera e parti aki bèk pa hasi trabounan di mantenshon na e vangrail na áltura di e krusada pa drenta Aztekenweg.
Pues pa e wikènt aki e kaya ta habri, pa despues sera bèk pa 2 dia pa por finalisá e trabounan den nan totalidat.
OW ta pidi diskulpa pa e inkumbinensia ku esaki lo por kousa, i ta pidi komunidat pa tene kuenta ku e desviashonnan di tráfiko durante ehekushon di e trabounan.
![](https://i0.wp.com/kikotapasando.com/wp-content/uploads/2024/05/Vakantieplan-Juli-2024-early-bird.jpg?resize=800%2C1132&ssl=1)