PREPARASHONNAN TA KONTINUÁ PA NOS SELEKSHON NASHONAL TOPA BARBADOS DIA 5 DI YÜNI 2024 AKI NA KÒRSOU! SERA KONOSÍ KU NOS HUNGADÓNAN DIA 2 DI YÜNI 2024 NA BUILDING DEPOT!

PREPARASHONNAN TA KONTINUÁ PA NOS SELEKSHON NASHONAL TOPA BARBADOS DIA 5 DI YÜNI 2024 AKI NA KÒRSOU!

SERA KONOSÍ KU NOS HUNGADÓNAN DIA 2 DI YÜNI 2024 NA BUILDING DEPOT!

 

Preparashonnan ta kontinuá pa nos promé partidonan di kualifikashon pa Mundial di FIFA riba dia 5 di yüni 2024. Nos lo topa Barbados den Stadion Ergilio Hato pa mitar di 8 di anochi pa despues biaha pa Aruba kaminda nos lo enfrentá Aruba dia 8 di yüni den Centro Deportivo Guillermo Prospero Trinidad pa 8’or di anochi.

 

Riba djadumingu 2 di yüni 2024 lo tin un ‘meet & greet’ na Building Depot kaminda pueblo di Kòrsou kompletu por sera konosí mas di aserka ku nos selekshon nashonal di 10’or di mainta pa mitar di 12 di mèrdia. Durante e mainta aki por saka potrèt, tuma firma serka nos hungadónan, disfrutá di bon músika di DJ Krokkz i gana diferente premio pa kortesia di building Depot! Coca-Cola lo sòru pa bibidanan grátis i mas ku klaro bo por kumpra bo karchi pa nos partido kontra Barbados.

 

Entrada general pa e partido aki ta kosta fl.25 pa adulto miéntras mucha di 6 pa 12 aña i 60+ ta paga fl.15,-. VIP ta kosta fl.125,- ku bibida i ‘snacks’ inkluí.

 

Sòru pa bo tei trempan pa sera konosí ku nos hungadónan i manda ‘buenas vibras’ pa nos próksimo kompromisonan di e kualifikashon pa Mundial di FIFA!

 

Nos selekshon ta wardabo djadumingu 2 di yüni pa 10’or di mainta den Building Depot!

 

30 mei 2024