Mi no ta mira gobièrnu ta prepará pueblo pa e trabòu nan di futuro

Presidente di Trabou Pa Kòrsou Jonathan Symor

 

 

Hopi hende ta bai pèrdè trabòu pasó nan trabòu ta bai stòp di eksistí

Mi no ta mira gobièrnu ta prepará pueblo pa e trabòu nan di futuro

Apesar ku m’a alerta gobièrnu riba IA i kreá mas pilá ekonómiko

 

 

 

Presidente di Trabou pa Kòrsou, Sr. Jonathan Symor den su último komunikado nan, a spièrta komunidat i lanta gobièrnu for di soño riba e desaroyo nan rondó di (IA) inteligensia artifisial i e importansia di krea mas pilarnan ekonómiko. E bia aki Sr. Symor ta bolbe spièrta komunidat i gobièrnu riba otro menasa pa futuro i e solushon pa e menasa aki. Ta trata di trabòu nan ku lo bai disparsé, pero den mésun rosea ta trata di trabòu nan nobo ku lo aparesé. Ku otro palabra, hende lo bai pèrdè trabòu. Pero si gobièrnu mové lihé i hasi e adaptashon nan nesesario den komunidat i na skolnan, e hendenan lo kambia bai hasi e trabòu nan nobo ku futuro ta brinda. Pa garantisá ku e proseso aki ta kana bon, gobièrnu mester tuma liderasgo den esaki. Lamentabel ta ku ahinda Trabou pa Kòrsou no ta mira ku gobièrnu ta liderando den e direkshon aki. Ni den enseñansa, ni den bario nan, ni huntu ku sektor privá. For di aña 2019 ILO a hasi yamada i mustra riba kambio teknologiko, demografiko, klimatologiko i globalisashon. Na ILO su di 108th konvenshon, ILO Centenary Declaration for the Future of Work. Si no hasi e adaptashon aki, mas hende lo bai pèrdè trabòu den futuro, forsa di kumprá lo baha, fondonan di SVB i AOV lo keda den problema, edat di penshun lo siguí subi, ekonomia i bida sosial lo siguí bai atras. Pesei Trabou pa Kòrsou ta tuma liderasgo den e área aki i kuminsa informa komunidat di e kambionan aki. Kambionan asin’aki ta global i ta inevitabel.  E último informashon nan di WEF ( World Economic Forum) ta indika ku 25% di trabòu nan eksistente lo wòrdu afektá. 14% di esakinan lo wòrdu automatisa

 

Trabòu nan ku sigur ta koriendo riesgo di disparsé den futuro ta trabòu nan manera:

 

Trabòu nan ku den futuro ta bai dominá ta trabòu nan manera:

 

 

 

 

 

 

 

Trabòu nan tradishonal lo no pèrdura mucho mas i mester prepará Kòrsou digital mente pa e kambionan aki. Esaki ta enserá ku Kòrsou mester por hasi merkado riba tur plataforma cybernetiko. Kemèn ora mi bai kumpra algu riba internèt anto mi dal den: “not available for your country / region”. Of tin biaha mi no por skohé “Curacao” pa ship/ manda mi pakete, esaki lo no mester stroba mas!

 

E forma di biba tradishonal tambe lo no keda meskos i tambe lo tres’é trabòu nan nobo.

Manera: maneho di shushi, maneho si awa, speshialista marítimo/ meteorológiko, kuido avansá den digitalisashon. Meskos di COVID a kambiá Kòrsou i mundu asina e kambio digital aki tambe lo bin tres’é kambio na Kòrsou.

 

Partido Trabou Pa Kòrsou señor Jonathan Symor