DEKLARASHON: Gobièrnu ta pidi klaridat riba perspektivanan ku Grupo Klesch
DEKLARASHON: Gobièrnu ta pidi klaridat riba perspektivanan ku Grupo Klesch
Geplaatst op 14 July 2020 dor di Ministerio Asuntunan General i Promé Minister
WILLEMSTAD – Gobièrnu di Kòrsou a pidi Refineria di Kòrsou (RdK) pa konkretamente indiká státus di e situashon pa ku e kontrakt ku tin entre RdK i Klesch. Di e forma aki Gobièrnu ke haña un bista bon kla di e perspektivanan ku tin pa logra yega na solushonnan duradero pa e fasilidatnan petrolero di RdK.
RdK a informá di ta den kombersashon ku Grupo Klesch pa por duna Gobièrnu un kontesta. E tipo di kombersashonnan aki no ta fásil i tin vários elemento hurídiko kompliká mará na esaki, ku mester keda atendé ku e deligensha nesesario. RdK a informá tambe ku lo hasi lo máksimo pa riba término korto por duna kontesta riba e petishon di Gobièrnu.
Gobièrnu di Kòrsou na su debido tempu lo informá komunidat tokante e último desaroyonan rondó di nos refineria.
