Entradanan hudisial ku detenshon

KOMUNIKADO DI PRENSA
19 yüni 2024
Entradanan hudisial ku detenshon
280/2024
Djárason 19 di yüni 2024, alrededor di 10.15’or, polis a tene entradanan hudisial den shete
(7) kas den área di Sto. Dominigoweg i Wishi.
E entradanan hudisial aki ta den kuadro di un investigashon ku ta kanando den e kaso di un
ladronisia ku a tuma lugá na un kompleho deportivo den área di Buena Vista.
Durante di e entradanan hudisial a haña i konfiská algun mata di mariwana i artíkulonan ku
ta di importansia pa e investigashon.
A detené e dama G.M.M. di 34 aña di edat nasé na Kòrsou pa enkubrimentu, relashoná ku
e kaso ariba menshoná.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.
