KOMUNIKADO DI PRENSA 288/2024
24 yüni 2024

Detenshon pa ladronisia i destrukshon

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaluna 24 di yüni 2024 alrededor di 04.06’or, Sentral di Polis a risibí informashon ku tin un
hòmber ta hòrtando den un snèk den Balataweg.
Mesora a dirigí polis na e sitio i na yegadá a topa e hòmber ku a destruí un muraya via di
tualèt pa drenta den e snèk i kometé e ladronisia.
Mesora a detené e hòmber J.M.H.N. di 31 aña di edat nasé na Kòrsou, pa e kaso ariba
menshoná.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.