KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

E situashon na lèntfel Malpais a normalisá despues di e kandela ku a surgi

Selikor ta informá ku despues di e kandela ku a surgi dia 13 di yüni riba lèntfel Malpais ku e situashon a normalisá. Aktualmente no tin molèster di kandela i e situashon ta bou di kontròl.

 

Entretantu gerensha a tuma medida di prekoushon pa redusí e chèns ku un situashon similar ta ripití. E medidanan ku a tuma ta entre otro pa ku e vigilansha ku lo sigui ta mas alerta. Tambe lo sigui hasi esfuerso pa e shushinan riba lèntfel ta tapá tur dia segun e normanan preskribí.

 

Pa loke ta trata e kousa di e kandela ta hasiendo e investigashonnan nesesario pa determiná ku e kandela a keda sendé intenshonalmente i si ta nesesario Selikor lo hasi denunsia.

 

Finalmente, gerensha di Selikor ta yama danki na e habitantenan i establesimentunan den área pa nan komprenshon pa eventual molèster di huma okashoná pa e kandela.

 

 

Potret: athunto algún potret ku ta duna un bista riba e situashon aktual riba e área ku ta depositá shushi na lèntfel Malpais

639114718427035"
639114718427035"