Pronóstiko di tempu pa Kòrsou i bisindario bálido te djamars mainta 06:00 o.l., 25 di yüni 2024.

Pronóstiko

Pronóstiko di tempu pa Kòrsou i bisindario bálido te djamars mainta 06:00 o.l., 25 di yüni 2024.
Kompilá: djaluna 24 di yüni 2024, 05:00 o.l. (09:00 UTC).

Tempu: Parsialmente te de bes enkuando hopi nublá ku algun áwaseru kompañá pa posibel welek i bos durante oranan di mainta.

Temperatura máksimo lo alkansá 31ºC i temperatura mínimo 27ºC.
Solo ta sali 06:13 i ta baha 19:03 o.l.

Bientu: Por lo general ost i moderá; forsa 3 te 4 (12 te 30 km/ora, 7 te 16 nudo). De bes en kuando basta fuerte te fuerte den ráfaga; forsa 5 te 6 (31 te 50 km/ora, 17 te 27 nudo).

Situashon general: Durante di próksimo 24 ora, un ola tropikal situá den nos área ta favoresé formashon di nubianan signifikante riba nos region. Algun di e nubianan aki lo generá algun aktividat di áwaseru kompañá pa posibel welek i bos riba partinan di nos isla. Mas aleu, ta antisipá ku e bientu lo bolbe oumentá den forsa awe, di manera ku ola di laman lo bira poko mas haltu.

Kondishon di laman: Trankil te moderá ku altura di olanan entre 0.5 i 1.5 meter (2 i 5 pia). Gradualmente mas haltu.

Sistemanan signifikante di wer tropikal: Ningun.

Fenómeno spesial: Ningun.

Perspektiva te djárason mainta: Parsialmente te hopi nublá ku algun áwaseru ku posibel welek i bos.

Meteorólogo: Rombley