CTB ta presentá plan di akshon pa di dos mitar di aña 2024 na sektor privá
CTB ta presentá plan di akshon pa di dos mitar di aña 2024 na sektor privá
WILLEMSTAD- 26 di yüni 2024 – Resientemente Ofisina di Turismo di Kòrsou (CTB) a presentá na partnernan di sektor privá un resúmen di e akshonnan ehekutá durante e promé mitar di aña 2024 i e plannan pa sobrá di 2024 dirigí riba region di Nort Amérika, Europa, Sur Amérika i Karibe. E presentashon a inkluí partisipashon di representantenan di hotèl, resòrt, apartamentu, operadornan di tour i atrakshonnan turístiko.
Durante di e presentashon, a duna informashon riba e kampaña renobá di ‘Feel It For Yourself’, kual tin komo meta pa oumentá e interes pa bishitá Kòrsou ku avisonan vibrante i kolorido huntu ku un video promoshonal nobo ku ta duna un bista di tur loke ta hasi nos destinashon esun di mas outéntiko i esun ku bo mester bishitá. Tambe a kompartí e akshonnan di merkadeo ku a tuma lugá durante e promé mitar di aña, nan resultadonan i e akshonnan planiá pa e sobrá 6 lunanan di aña. CTB a elaborá tambe riba e kresementu di turismo di estadia for di tur nos merkadonan di enfoke i e porsentahe di kresementu ku por spera pa sobrá di aña teniendo kuenta ku e kantidat di buelonan aktual pa Kòrsou, oumento den skema di buelo di diferente aerolínea i tambe kantidat di stul adishonal dor di buelonan inougural programá pa Kòrsou. Adishonalmente a kompartí feedback risibí di turistanan tokante entre otro e áreanan general na Kòrsou ku mas turistanan gusta bishitá, respektivamente #1 Sentro di Siudat, Punda i #2 brùg di Ponton. Tambe a kompartí e evaluashon di turistanan pa loke ta trata e nivel di satisfakshon riba amabilidat di nos hendenan; aproksimadamente 93% di turistanan a skor e servisio ofresé pa empleadonan den e industria di turismo i públiko general komo ekselente i hopi bon.
Mas aleu, a spesifiká e strategianan pa atraé mas bishitante for di tur region entre otro, partisipashon na ferianan, workshop edukashonal pa agentenan di biahe, promoshon di eventonan, mishon komersial i promové inisiativanan konhunto. Tambe a kompartí e perfil di turistanan ku nos ta risibí for di kada region. Pa finalisá, a duna un bista di tur e aktividatnan ku a keda ehekutá durante e promé mitar di aña i esnan planiá pa sobrá di 2024 tantu riba tereno di desaroyo di produkto komo maneho.
E delaster kuartal di aña, CTB lo kompartí ku sektor privá e resultadonan di e promé 9 lunanan i lo duna un bista di e plannan inisial pa 2025.
CTB Presents Action Plan for Second Half of 2024 to the Private Sector
WILLEMSTAD- June 26, 2024 – Recently, the Curaçao Tourist Board (CTB) presented to the private sector partners a summary of the actions performed in the first half of 2024 and plans for the rest of 2024, focusing on the North American, European, South American, and Caribbean regions. The presentation included participation from representatives of hotels, resorts apartments, tour operators, and tourist attractions.
During the presentation information was provided on the refreshed ‘Feel It For Yourself’ campaign, aimed at increasing interest in visiting Curaçao by engaging target audiences with vibrant and colorful advertisements along with a new promotional video showcasing all that makes our destination the most authentic and a must-visit place. Marketing tactics and actions taken in the first half of the year, their results, and planned actions for the remaining six months of the year were also shared. Furthermore, CTB elaborated on the growth of stayover tourism from all focus markets and the expected percentage increase for the rest of the year, considering the current number of flights to Curaçao, increases in flight schedules from various source markets, and additional seats due to planned inaugural flights to Curaçao. Additionally, a review was provided of the most popular general areas in Curaçao based on feedback from tourists, respectively #1 Downtown Punda and 2# Pontoon bridge, as well as a satisfaction rating on friendliness of our people; approximately 93% of the tourists rated the variables service delivered by tourism employees and the public in general as excellent and very good.
Moreover, specific strategies to attract more visitors from all regions were detailed including participation in various fairs, educational workshops for travel agents, events promotions, sales missions and fostering joint initiatives. An outline was also given of the profile of tourists received from each region. Finally, an overview of all activities carried out in the first half year and those planned for the remainder of 2024 in terms of both product development and management was provided.
In the last quarter of the year, CTB will share the results from the first nine months with the private sector and outline the initial plans for 2025.
