Pronóstiko di tempu pa Kòrsou i bisindario bálido te djamars mainta 6:00 o.l., 2 di yüli 2024.
Pronóstiko
Pronóstiko di tempu pa Kòrsou i bisindario bálido te djamars mainta 6:00 o.l., 2 di yüli 2024.
Kompilá: djaluna 1 di yüli 2024, 05:00 o.l. (09:00 UTC).
Tempu: Tiki te parsialmente nublá ku wer seku i presensia di un poko santu fini di Sahara. No opstante esaki, un áwaseru ta bira posibel durante mayan mainta tempran.
Temperatura máksimo lo alkansá 33ºC i temperatura mínimo 28ºC.
Solo ta sali 06:15 i ta baha 19:04 o.l.
Bientu: Direkshon por lo general ost i moderá; forsa 3 te 4 (12 te 30 km/ora, 7 te 16 nudo). De bes en kuando basta fuerte den ráfaga; forsa 5 (31 te 39 km/ora, 17 te 27 nudo).
Situashon general: Un ola tropikal lo bandoná nos region den wèst, miéntras for di ost ta premirá ku un masa di airu relativamente seku lo plama riba e zona awe durante di dia. Tempran riba djamars, no opstante ta ferwagt ku orkan Beryl lo pasa leu nort di e isla, un área di nubia ku un áwaseru asosiá ku né tòg por racha ku e parti mas nort di e isla. Ademas, debí na e naturalesa di un siklon poderoso riba Karibe oriental, resake kresiente lo alkansá i afektá e kostanan di Kòrsou. Tambe ta premirá ku e bientu lo disminuí durante e promé parti di mayan, ku na su bùrt lo provoká kondishonnan di kalor.
Kondishon di laman: Trankil te moderá ku altura di olanan entre 0.5 i 1.5 meter (2 i 5 pia). Probablemente oumentá te 2.5 meter ( 8 pia) den resake serka di kosta.
Sistemanan signifikante di wer tropikal: Siklon tropikal Beryl ta keda un orkan kategoria 4, na momentu ku e ta pasa riba e islanan den sùitost Karibe awe mainta tempran. Servisio Meteorológiko Kòrsou ta sigui monitoreá di aserka desaroyo di e orkan peligroso Beryl ku lo pasa na un distansia leu i salvo di e islanan ABC tempran riba djamars.
Fenómeno spesial: Ningun.
Perspektiva te djárason mainta: Tiki te parsialmente nublá ku chèns pa un áwaseru breve den mardugá i bientu lo oumentá kontinuamente.
Meteorólogo: Coffie
