GABINETE PISAS II TA SIGUI RIBA E RUMBO POSITIVO, SEMPER KU E BISTA RIBA E BIENESTAR DI NOS KOMUNIDAT!
Minister di Finansa sr. Javier Silvania, den presensia di Promé Minister sr. Gilmar Pisas i demas ministernan di Gabinete Pisas II, ta firma e tratado fiskal huntu ku e Minister di Finansa di Repúblika di Sürnam sr. Stanley Raghoebarsing dia 1 di yüli 2024.
Esaki ta un momentu históriko.
Históriku debí ku esaki ta un tratado entre Sürnam i Kòrsou.
E benefisionan ta ku e ta regla kua pais tin mag di kobra impuesto.
Esaki pa evitá ku tur dos pais ke kobra impuesto na e mesun instansia òf suidadano òf ku den niun di e dos paisnan ta paga impuesto.
E ta importante pa entre Sürnam i Kòrsou tin un tratado debí ku na Sürnam a deskubrí mas poso di petroli anto Sürnam tin mester di kapital.
Na Kòrsou nos tin akseso na kapital, konosementu i eksperensia debí ku nos tabatin un refineria den pasado.
Esaki ta nifiká ku ora bo tin un tratado fiskal e ta hasi posibel ku invershonistanan for Kòrsou por invertí na Sürnam, anto por traha strukturanan ku ta benifisioso pa ambos pais.
Sürnam ta haña e ora ei e kapital i konosementu nesesario.
Kòrsou ta un pais sigur, ku un sistema di banko stabil, ku interesnan mas abou, ku un korte independiente ku ta krea un situashon di “win-win”pa e dos pais por hasi negoshi.
Ya kaba tin hopi aktividat ekonómiko ta tumando lugá entre Sürnam i Kòrsou, tin kompanianan di Sürnam ku tin filial na Kòrsou i vise vèrsa, tin hende ku ta biba na Kòrsou i ta traha na Surnam i vise vèrsa.
Pues e tratado aki ta regla e parti fiskal pa tin klaridat adelantá pa ku kua pais tin di mag di kobra impuesto i kuantu.
639114718427035"
639114718427035"














