KOMUNIKADO DI PRENSA 299/2024
3 yüli 2024

Detenshon pa enkubrimentu.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Den oranan di mainta di djárason 3 di yüli 2024, e tim ku ta investigá ladronisia di vehíkulo a
risibí informashon ku tin un persona den Montaña Abou ku ta den poseshon di un bròmer
hòrtá.
Inmediatamente a bai na e adrès i a bin topa ku e bròmer enkestion.
E hòmber ku tabatin e bròmer a deklará na polis ku el a kumpra e bròmer na un preis hopi
barata.
Relashoná ku esaki, alrededor di 10.30’or, polis a hasi detenshon di e hòmber R.A.D. di 40
aña di edat nase na Kòrsou pa enkubrimentu.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.