KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Detenshon pa violashon di lei di arma di kandela i lei di opio

 

KOMUNIKADO DI PRENSA 318/2024
16 yüli 2024

Detenshon pa violashon di lei di arma di kandela i lei di opio

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djamars 16 di yüli 2024, alrededor di 02.56 di mardugá, sentral di Polis a risibí notifikashon
ku na un kas riba Weg naar Fuik mester a tende algun tiru.
Na yegada e unidatnan polisial a konstatá ku den kura di e kas enkuestion tabatin
plantashon di matanan di mariwana.
Mas aleu a topa ku un hòmber ku a deklará ku e ta doño di e plantashon.
A detené e hòmber enkonekshon ku violashon di lei di opio i a konfiská 583 mata di
mariwana.
Kontinuando ku e investigashon a listra e sospechoso i a hañ’é ku un arma di kandela ku
tambe a wòrdu konfiská.
E sospechoso a resultá di ta R.M.P. di 42 aña, nasé na Kòrsou.
A present’é dilanti di un fiskal ouksiliar ku a ordená su enkarselamentu pendiente di mas
investigashon.

 

639114718427035"
639114718427035"