Minister Charles Cooper: Ecopower International, a bishita mi pa sera konosí i pone nos na altura di e ultimo desaroyonan tokante e proyekto (SWDC)

E proyekto Zakito District Cooling (ZDC) ta den preparashon ya algun aña, pero lamentablemente tabata tin algun reto manera e pandemia di Covid 19.

Pero awor aki e posibilodat ta grandi ku por “kickstart” e proyekto aki bèk. Esaki ta un inisiativa di Ecopower International ku lo traha ku algun kompania lokal, enkabesá pa ingeniero Sr. Gilbert Gouverneur.

E proyekto ta abarká ku na un profudidat grandi na nos kosta sùit lo pomp awa di laman ku tin un temperatura di 6 grado Celcius, bini kune ariba i mandele den edifisionan di klientenan manera hotèl nan i hòspital.

Einan via di interkambiadonan di kalor por fria e edifisionan aki di un forma hopi barata. E ta un teknologia ku ta ser usá na diferente parti di mundu kaba. Pero Kòrsou por ta promé ku ta bai hasie ku un sistema integral ku ta sirbi diferente kliente pareu.

E benifisio nan ku (SWDC) ta bin kune ta ku esaki tin e posibilidat pa ofresé friamentu hopi mas efektivo i stabil na klientenan mientras ta krea un “push” pa e área ku lo ser desaroyá.