TUR KOS TA KLA PA CFU CLUB SHIELD 2024 KU LO TUMA LUGÁ DI 25 DI YÜLI PA 4 DI OUGÙSTÙS AKI NA KÒRSOU!

TUR KOS TA KLA PA CFU CLUB SHIELD 2024 KU LO TUMA LUGÁ DI 25 DI YÜLI PA 4 DI OUGÙSTÙS AKI NA KÒRSOU!

 

 

Tur kos ta kla pa e inisio di CFU Club Shield 2024 ku lo tuma lugá mañan, 25 di yüli pa 4 di ougùstùs 2024. E promé ekiponan ya a yega Kòrsou i ta tin nan promé seshonnan di training pa duna un bon presentashon durante CFU Club Shield.

 

Durante e inisio di CFU Club Shield 2024 lo tin 2 partido den Stadion Rignaal ‘Jean’ Francisca, mitar di 6 di atardi i 8’or di anochi. E promé partido lo ta entre SWA Sharks di Turks & Caicos Islands i Paradise Fc International di Grenada. Seguidamente B.A.Y.S FC di St. Lucia lo enfrentá SCSA Eagles di Sint Maarten. 2 tremendo partido kaminda tur ekipo lo duna tur ku tin pa keda den kontienda di e torneo aki ku lo terminá dia 4 di ougùstùs 2024.

 

Karchinan pa CFU Club Shield 2024 ta na balor di fl.10 pa adulto miéntras mucha di 6 pa 12 aña i 60+ ta paga solamente fl.5,- pa disfrutá di ámbos partido riba kada dia. Tene kuenta ku ora bo kumpra karchi pa drenta un stadion, no por usa e mesun karchi pa bai e otro stadion.

Por kumpra karchi na e lokètnan di e stadionnan un ora promé ku kada wega.

 

Tur kos ta kla pa e inisio di CFU Club Shield 2024 ku lo kuminsá mañan, 25 di yüli 2024!

CFU i FFK ta wardabu pa bin disfrutá di algun tremendo partido internashonal!

 

24 yüli 2024