Trabounan di mantenshon riba Oude Weg naar Westpunt, entre Hofi Bil te ku Bob Autowash

Willemstad – Oude Weg naar Westpunt for di Hofi Bil te ku Bob Autowash ta bai keda drechá. Esaki Minister Charles Cooper huntu ku Servisio pa Obra Públiko ta anunsiá.

Trabounan ta kuminsá riba 5 di ougùstùs i lo tin un durashon di 3 siman. Kontratista MNO Vervat ta enkargá ku e trabounan aki.

Kasnan i negoshinan riba e kaminda lo keda aksesibel. Tambe, ta importante menshoná ku durante ehekushon di e tipo di trabounan aki, por tin aspektonan ku por pone ku e proyekto ta kana sea mas lihe òf mas poko poko ku a premirá. OW ta hasi lo máksimo pa supervisá ku trabounan ta kana konforme planifikashon.