Kontròl di Inspekshon i UO G&GZ na Nos Welita

Kontròl di Inspekshon i UO G&GZ na Nos Welita
Willemstad – Den kuadro di e inspekshon rutinario na kas di hende grandi, Inspekshon di Salú Públiko huntu ku UO Geneeskundige en Gezondheidzaken ( UOG&GZ ántes GGD) a hasi un bishita di kontròl na e kas di hende grandi Nos Welita dia 24 di aprel 2024. E bishita di inspekshon aki tabata un kontinuashon di e bishita di inspekshon ku a tuma lugá un aña pasá dianan 20 i 23 di aprel 2023.
Meta di e bishita tabata pa forma un opinion riba progreso di kas di hende grandi Nos Welita kompará ku aña pasá.
E kantidat di personal a mehorá kompará ku 2023, pero te ainda falta algu. Tin un koördinadó di kuido nobo a keda nombrá i ku ta trata ta traha di su mes. E kolaborashon ku e dòkter di kas a mehorá i ta hasi sitanan i ta mantené esaki. Tin reglanan di kas ku a ser introdusí ku ta kana hopi mas mihó ku anteriormente.
E kas di kuido ta mustra limpi. E klientenan, apesar di falta di personal, ta mustra bon kuidá. Sinembargo, no por a mustra un programa pa atendé ku “ongedierten” (kakalaka, raton ets), mientras ku te ainda no a pone e nèt kontra muskita na e bentana di kushina. Fuera di esaki, durante e bishita e kas tabata parse higiéniko.
