Dos vehíkulo konfiská pa violashon di Lei di Ordu Públiko

KOMUNIKADO DI PRENSA 363/2024
19 ougùstùs 2024
Dos vehíkulo konfiská pa violashon di Lei di Ordu Públiko
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Ultimo tempu, tin varios siudadano ta instalá spikernan grandi riba dak of baúl di nan
vehíkulo i ta stashoná e vehíkulonan aki riba kaminda públiko.
E volúmen di e radio ta wòrdu hisa duru di tal manera, ku e ta kousa bastante molèster pa e
besindario.
Banda di e efekto negativo ku e por tin pa oido di esnan ku ta hopi serka di e instalashon di
muzik aki, e ta empugna tambe di e lei ku ta regla òrdu públiko.
Djadumingu dia 18 di ougùstùs 2024, polis a konfiská dos di e vehíkulonan ku tabatin e
spikernan aki instalá riba nan outo, pa violashon di artíkulo 46 di e lei ku ta regla Ordu
Públiko (L.O.O.). Esaki a tuma lugá den área di Caracasbaai. Adishonal, e doñonan a risibí un
prosès verbal.
E lei aki ta indiká ku ta prohibí pa sin òf desviando for di un pèrmit pa organisá evenemento
otorgá dor di Minister di Hustisia, pone muzik, tene kantamentu, hasi muzik of kanta.
Polis lo keda atento pa e violashon aki i lo sigui aktua kontra e fenómeno aki dor di duna
prosès verbal i konfiská e vehíkulonan ku instalashon di muzik riba nan.

