PREPARASHONNAN DI NOS SELEKSHON NASHONAL PA CONCACAF NATIONS LEAGUE 2024 LO INISIÁ! NOS HUNGADÓNAN TA KONOSÍ!
Preparashonnan lo inisiá pa nos selekshon nashonal su próksimo kompromisonan di Concacaf Nations League 2024 ku lo tuma lugá den luna di sèptèmber, òktober i novèmber 2024. Durante e luna binidero nos lo tin 2 enkuentro afó, riba dianan 6 i 9 di sèptèmber na Grenada.
Primeramente nos lo topa St. Lucia dia 6 i seguidamente nos lo enfrentá St. Martin dia 9 di
sèptèmber 2024. Ámbos partido lo ta 5’or di atardi den Stadion Kirani James Athletics.
Nos hungadónan lo sali for di Hulanda dia 3 di sèptèmber próksimo kaminda nan lo keda Kòrsou
un anochi, pa siguiente dia 10’or di mainta, kue un ‘charter’ ku destinashon pa Grenada pa
kontinuá ku e preparashonan pa nos partidonan di dia 6 i 9 di sèptèmber 2024. Dia 10 atardi nan
lo regresá Kòrsou ku ‘charter’ pa den oranan di anochi sigui rumbo pa Hulanda.
Nos ‘bondscoach’ sr. Dick Advocaat huntu ku su staf ta presentá e lista di hungadónan ku lo representá Kòrsou durante e partidonan di Concacaf Nations League 2024 ku tiki tiki pero sigur ta aserkando.
E siguiente hungadónan lo forma parti di e selekshon pa nos próksimo partidonan;
- Eloy Room
- Trevor Doornbusch
- Nino Fancito
- Roshon van Eijma
- Sherel Floranus
- Juriën Gaari
- Joshua Brenett
- Arjani Martha
- Cherrion Valerius
- Juninho Bacuna
- Leandro Bacuna
- Kevin Felida
- Godfried Roemeratoe
- Jaron Vicario
- Rayvien Rosario
- Nicky Souren
- Jeremy Antonisse
- Kenji Gorré
- Rangelo Janga
- Jearl Margaritha
- Xander Severina
- Jurgen Locadia
- Gervaine Kastaneer
Preparashonnan ta bai start pa nos selekshon nashonal su próksimo kompromisonan otro luna en konekshon ku e torneo aki.
Keda pendiente pa mas informashon…
23 ougùstùs 2024
