Pronóstiko di tempu pa Kòrsou i bisindario bálido te djasabra mainta 6:00 o.l., 31 di ougùstùs 2024.

Pronóstiko

Pronóstiko di tempu pa Kòrsou i bisindario bálido te djasabra mainta 6:00 o.l., 31 di ougùstùs 2024.
Kompilá: djabièrnè 30 di ougùstùs 2024, 05:00 o.l. (09:00 UTC).

Tempu: Tiki te parsialmente nublá i por lo general seku i kalor. No opstante esaki, awe nochi tin chèns pa un áwaseru pasahero.

Temperatura máksimo lo alkansá 33ºC i temperatura mínimo 29ºC.
Solo ta sali 06:25 i ta baha 18:47 o.l.

Bientu: Direkshon ost i moderá; forsa 3 te 4 (12 te 30 km/ora, 7 te 16 nudo). De bes en kuando basta fuerte te posiblemente fuerte den ráfaga; forsa 5 (31 te 39 km/ora, 17 te 21 nudo).

Situashon general: Un fluho di airu na e nivelnan mas abou prinsipalmente kalor i seku lo kondusí na un situashon di tempu stabil den nos área, miéntras temporalmente ekstenshon di un sistema di preshon haltu ta bolbe riba e region ost den Karibe. Mas ainda, e wer kalor tambe lo laga nubianan krese ku e rísiko ku awa por kai ku welek i bos. E bientu lo kontinuá por lo general moderá i sostené asina un kondishon di laman trankil te moderá.

Kondishon di laman: Por lo general moderá ku altura di olanan entre 0.5 i 1.5 meter (2 i 5 pia).

Sistemanan signifikante di wer tropikal: Un ola tropikal ku e nubianan i áwaseru asosiá kuné, awe mainta tempran riba parti sentral di e sekshon tropikal di Oséano Atlántiko, tin un posibilidat rasonabel pa gradualmente desaroyá den un siklon, segun e ta move den direkshon wèst i aserká parti oriental di Karibe. No ta parse ku e futuro siklon lo bira un menasa pa Kòrsou.

Fenómeno spesial: Ningun.

Perspektiva te djadumingu mainta: Nubianan lo oumentá djasabra anochi i djadumingu mardugá ku bon chèns pa áwaseru i welek ku bos.

Meteorólogo: Coffie