|
Willemstad, 4 sèptèmber 2024
30 AÑA ANIVERSARIO DI FERIA DI ESTUDIO I KARERA
Djárason 13 di Novèmber i Djaweps 14 di Novèmber, e di 30 edishon di Feria di estudio i karera di Kòrsou lo tuma lugá na WTC. E aña aki ta marka un punto signifikante paso nos ta selebrá tres dékada di emansipashon di studiante i profeshonalnan ku konosementu, oportunidat i inspirashon. Nos tema pa 2024, Hospitality, Innovation, and Entrepreneurship, ta reflehá e kampo dinámiko i interkonektá ku ta move progreso i ta kreando oportunidatnan nobo den e mundu moderno. E feria ta un biahe inmersivo, interaktivo den e mundu dinámiko di Hospitalidat. Naturalmente, vários institushon edukativo lokal i internashonal i kompanianan lo ta presente. Si bo ta un studiante eksplorando bo opshonnan, un profeshonal buskando horizontenan nobo, òf un empresario ku ambishon, e feria aki ta e plataforma ideal pa eksplorá e posibilidatnan sin límite ku tin dilanti di bo.
NOBO E AÑA AKI: E FERIA DI TRABOU
Pa e di 30 aniversario di e Feria di estudio i karera di Kòrsou, nos ta introdusí un feria di trabou pa duna apoyo èkstra na esnan ku ta buska trabou. E evento aki lo tuma lugá Djaweps 16 di Novèmber for di 10:00 di mainta te 8:00 di anochi NON-STOP na WTC. E aña aki, nos ta aspirá pa fortalesé e konekshonnan den sektor di hospitalidat i turismo, stimulando inovashon i emprendementu pa krea mas oportunidat i move desaroyo di kareranan. E evento grandioso aki ta bo chèns pa deskubri kon hospitalidat, inovashon i emprendementu ta moldeando nos futuro.
PÈNEL DI DISKUSHON
Nos feria ta konsentrá riba e tema dinámiko di Hospitalidat, Inovashon i Emprendemetu. Nos ke eksplorá kon e kampo aki ta interkonektá i move progreso kreando oportunidatnan nobo den e mundu moderno. Djaweps 12 di Novèmber nos lo tin un pènel di diskushon for di 7:00 te 9:00 di anochi. Pa kuminsá e anochi, nos lo analisá e impakto signifikante di turismo riba varios sektor, tresé dilanti pa representantenan di e Curaçao Tourism Board (CTB), e Sentro di Emprendementu di Kamber di Komèrsio, i e Sektor di Inovashon. Nan lo duna un bista balioso riba kon turismo ta influensia kresementu ekonómiko, oportunidatnan di emprendementu, i inovashon. Siguiendo e diskushon interesante aki, nos lo toka e tema krítiko di Brain Drain kontra Brain Gain, diskutiendo su impakto riba nos ekonomia i sosiedat. E charla aki lo duna un bista kompletu di kon migrashon di talento ta afektá varios sektor i kua strategia nan ta implementá pa komberti e posibel brain drain den brain gain. Durante e pènel di diskushon nos lo ofresé un perspektiva kompletu riba e tópiko vital aki. Pa finalisá anochi, nos lo sumergí den un fireside chat tokante Brain Cultivation. Djòin nos den un anochi yen di diskushon intrigante i presentashon, miéntras nos ta analisá e futuro di oportunidat di trabou i eksaminá e impakto ekonómiko di brain drain i brain gain. Laga nos bin huntu pa selebrá e spiritu di hospitalidat, move inovashon, i stimulá emprendemetu na e Feria di Estudio i Karera 2024.
|
HOSPITALITY, INNOVATION, AND ENTREPRENEURSHIP
E feria di aña aki lo resaltá e rumbo edukativo i oportunidatnan di karera den hospitalidat, mustra kon e industria aki ta sigui evolushoná i krese. Ta trata di aseptá teknologianan nobo, stimulá kreatividat, i buska solushonnan nobo pa e retonan di awendia. Na e feria, bo lo topa ku proyektonan inovativo, vishonarionan, i deskubrí kon inovashon ta transformá nos mundu. Empresarionan ta e inovadónan ku ta identifiká oportunidatnan, tuma riesgo, i kreá empresanan ku ta moldea nos ekonomia i sosiedat. E aña aki, nos ta selebrá e spiritu di emprendementu, konektando bo ku doñonan di negoshinan eksitoso, incubatornan di startups, i rekurso ku por yuda bo kombertí bo ideanan den un emprendementu ku ta floresé.
|
Tokante di e Feria di Estudio i Karera di Kòrsou i e Job Fair
Institushonnan edukativo i kompanianan ta hunga un ròl krusial den forma e mentalidat di futuro di nos hóbennan. Pesei, e bishita di studiantenan ku ta na e momentu krusial di skohe nan futuro ta di gran importansia. E Feria di Estudio i Karera di Kòrsou ta destiná pa studiantenan di VWO, HAVO, SBO, i VSBO, pa nan mayornan i guia nan den nan karera. Awor ku e FJob Fair tambe nos ta duna espasio na e personanan ku ta buskando trabou i empresarionan. Ku representashon kompanianan di vários sektor, skolnan i universidatnan. Un represetashon variá i ekstensivo. Entrada ta gratis.
|