KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

15 personal di SDKK ta risibí diploma di VPIO na ORV

Hustisia

 

15 personal di SDKK ta risibí diploma di VPIO na ORV

Publiká riba 12 Sèptèmber 2024

Willemstad- Djárason 11 di sèptèmber, 15 personal di Sentro di Detenshon i Korekshon Kòrsou (SDKK), a risibí nan diploma di Voorgezet Penitentiaire Inrichting Opleiding (VPIO) na ORV despues di a terminá na estudio ku éksito. E estudio di VPIO tabatin un durashon di 1 aña i mei i a keda duna na e personal di prizòn ku ta ehersé e funshon di hefe di departamento na SDKK.

Durante un seremonia bunita den kompania di famia i demas invitadonan, e 15 studiantenan a risibí nan diploma di VPIO. Na e okashon akí a hiba palabra direktor suplente di SDKK sr. Anthony Hasselmeijer, ku a felisitá e personal pa ku nan logro i a gradisí ORV i Ministerio di Hustisia pa nan koperashon pa por a duna formashon i kapasitashon na e personal di prizòn. Seguidamente a hiba palabra direktora di ORV sra. Alpha Falbru kua a duna un resúmen kòrtiku di e trayekto kompleto di e estudio di VPIO durante e 1 aña i mei na ORV i finalmente Minister di Hustisia sr. Shalten Hato tambe a felisitá i pone énfasis ku formashon i desaroyo di e personal di SDKK ta importante i lo sigui kontribuí na esaki.

E seremonia a terminá den ambiente ameno kaminda tur presente por a felisitá e 15 studiantenan di VPIO i a la bes sosialisá durante e bunita enkuentro na ORV. Gerensia di ORV ta sumamente kontentu, ku por a duna un kontribushon na formashon di e personal di SDKK.

 

639114718427035"
639114718427035"