Detenshon pa intento di asesinato, maltrato i destrukshon
KOMUNIKADO DI PRENSA 405/2024
16 sèptèmber 2024
Detenshon pa intento di asesinato, maltrato i destrukshon
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaluna 16 di sèptèmber 2024 alrededor di 06.25’or, Sentral di Polis a dirigí un unidat pa
Orchillaweg pa un problema entre dos hòmber.
Segun e investigashon ku polis a hasi na e sitio a sali na kla ku tabatin un problema pa
motibu di un debe bieu.
Despues di esaki e partidonan a bandoná e sitio i djis un ratu despues nan a aksidentá
frontal ku nan vehíkulonan.
A start un pelea entre e dos hòmbernan aki i na mes momento un di e vehikulonan a pega
kandela.
Un di e vìktimanan a sufri leshonnan na su kurpa a konsekuensia di e bringamentu i a keda
transportá ku ambulans pa C.M.C. pa tratamentu médiko.
Na e sitio polis a detené e hòmber S.M.A.P. di 50 aña di edat nasé na Kòrsou, pa e kaso
ariba menshoná.
A presentá e sospechoso dilanti di un fiskal ouksiliar, ku a ordená su enkarselamentu
pendiente di mas investigashon.
