E di 12 edishon di “World Clean Up Day” ta e wikènt aki

E di 12 edishon di “World Clean Up Day” ta e wikènt aki

 

Un apelashon na outomobilistanan pa tene kuenta ku e boluntarionan ta limpiando den diferente area!!

 

Djabièrnè 20 di sèptèmber i Djasabra 16 di sèptèmber, awor ta Dia Mundial di Limpiesa, ‘World Clean Up Day’ kaminda Kòrsou huntu ku 191 pais mas ta limpia nan pais, for di 7 or pa 11 or di mainta di Bandariba te Bandabou.

Preparashon pa e akshon boluntario mas grandi na mundu aki, ta yegando su kulminashon. Djasabra último kordinadónan di areanan a risibí e delaster detayenan i mayoria lider di grupo/partisipante a risibí nan pakete pa e trabounan di limpiesa.

 

Mayan djarason 18 i djaweps 19 sèptèmber,’ lidernan ku NO a tuma pakete ainda, por pasa di 5 or pa 7 or atardi na SAMBIL na e lokalidat di Sea Turtle Conservation Curaçao(entrada di Carrefour)

 

Ademas Curaçao Clean Up ta rekordá tur outomobilista pa tene kuenta ku djasabra awor tin boluntario na diferente parti di Kòrsou ta hasiendo trabou di limpiesa. Por fabor baha e belosidat den e areanan kaminda tin trabounan di limpiesa ta tumando lugá. Lo tin e indikashonnan nesesario unda tin trabounan ta tuma lugá i tambe lo tin boluntario ku chaleko oraño bistí.

 

Un rekordatorio pa boluntarionan:

kome bon promé sali kas, bisti komódo, uza krema kontra solo, bisti pèchi mas I bebe hopi awa durante e mainta ( kada 20 minüt). Rode Kruis tambe ta pendiente pa kualke urgensia.

 

Curaçao Clean Up ta gradisí TUR BOLUNTARIO, SPONSOR i PRENSA ku ta partisipá na e akshon di limpiesa nashonal aki i ku tur aña ta koperá pa hasi e akshon mas grandi di limpiesa di nos isla un éksito. I mesora tambe ta hasi e evento di limpiesa mundial aki un evento sosial.

Nos tur ta komprondé importansia di un isla limpi ku ta bon pa nos mes salú, pero tambe pa progreso di nos pais.

 

Pa mas informashon por mail worldcleanupdaycuracao@gmail.com òf por yama tel.5266396.

Saludo kordial,

 

Tim Curaçao Clean Up

Sharo Bikker