Detenshon pa violashon di lei di arma di kandela

KOMUNIKADO DI PRENSA 438/2024
10 òktober 2024
Detenshon pa violashon di lei di arma di kandela
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djarason 9 di òktober 2024 alrededor di 12.00’or, durante di kontròl den tas di un dama ku
ta traha na aeropuerto, a bin enkontrá un pistol.
Mesora polis a keda notifiká i a detené e dama aki pa mas investigashon.
Seguidamente a tene un entrda hudisial na e adrès di e dama, pero no a enkontrá nada
partikular.
Mas lat e partner di e dama, e hòmber E.A.L.S. nasé na Venezuela a presentá na warda di
reshèrshi i a indiká ku ta e a warda e arma den tas di e dama, sin ku esaki tabata na altura.
Inmediatamente e sospechoso L.S. a keda detené violashon di lei di arma di kandela i
presentá dilanti di un fiskal ouksiliar, ku a ordená su enkarselamentu pendiente di mas
investigashon.
E dama a keda lagá den libertat despues di interogashon.
