KUERPO POLISIAL KÒRSOU 

KOMUNIKADO DI PRENSA

187/2026

21 yüni 2026 

Intento di asesinato ku detenshon 

Djasabra 20 di yüni 2026 alrededor di 18.11’or, Sentral di Polis a risibí informashon di un kaso kaminda tabatin un hòmber ku kemadura riba I.H.  Sha Caprileskade na altura di e kantor di duana. 

Mesora a dirigí polis i ambulans pa e sitio. 

Na nan yegada nan a bin topa un hòmber ku enberdat tabatin kemadura  na partinan di su kurpa. E víktima a keda transportá inmediatamente pa  Sala di Emergensia di C.M.C. 

For di investigashon ku polis a hasi na e sitio, a sali na kla ku un ratu promé un subrino di e víktima a topa su tio i su partner den Punda i pa un motibu  te ainda deskonosí, a basha un líkido flamabel tantu riba e tio komo su  pareha. 

Despues e sospechoso a trata na pega ámbos persona na kandela. E tio a risibí kemadura i tabata den un situashon ku mester a keda someté na tratamentu médiko mesora. 

Polis a komprondé ku e sospechoso mester a sali di biahe e atardi ei. Debí na un akshon relampago, polis a yega aeropuerto i a logra na baha e  sospechoso ku ya a abordá, for di avion i deten’é pa intento di asesinato.