Detenshon pa violashon di lei di arma di kandela
KOMUNIKADO DI PRENSA 440/2024
12 òktober 2024
Detenshon pa violashon di lei di arma di kandela
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Durante di un kontròl di unidatnan di Unit Speciale Taken (U.S.T.) i di warda di polis Punda
dia 11 di òktober 2024 alrededor di 01.10’or di mardugá, a nota un vehíkulo sospechoso ku
kier a kore bai. Esaki a sosodé na altur di un toko den Parera.
Despues a logra na para e vehíkulo aki den kua tabatin dos hòmber.
Durante di kontròl den e vehíkulo, polis a topa ku un arma di kandela i un kashi di bala.
Mesora a konfiská esakinan i a detené e duo pa violashon di lei di arma di kandela.
Ta trata di R.B.D. di 24 aña di edat i S.J.J.L. di 24 aña di edat, tur dos nasé na Kòrsou.
A presentá e sospechosonan dilanti di un fiskal ouksiliar ku a ordená enkarselamentu di
R.B.D., mientras ku e otro hòmber a keda lagá den libertat despues di interogashon.
