SSO di Gobièrnu di Kòrsou ku liderazgo nobo / SSO van de Regering van Curaçao met nieuw leiderschap

WILLEMSTAD – For di djárason último, 16 di òktober, sr. Maharo Isenia (45) a bai liderá temporalmente e organisashon di “Shared Service Organization” (SSO) di Gobièrnu di Kòrsou. SSO ta konsistí di seis departamento – kada un ku nan hefe – i ku mas o ménos 250 empleado públiko. Ta trata aki di e servisionan di IT helpdesk, servisio di fasilidat, servisio di kompra sentral, atministrashon di salario, atministrashon di personal i maneho di dokumento (archivo). Aparte di tin e tarea pa liderá SSO, señor Isenia ta forma parti tambe di e grupo di kordinashon (stuurgroep) ku ta enkargá ku digitalisashon di Gobièrnu di Kòrsou.

SSO ta forma parti di e Ministerio di Maneho di Gobernashon, Planifikashon i Servisio Públiko (mihó konosí komo BPD) ku ta enkabesá pa Minister Hato. Pa Minister Hato ta sumamente nesesario pa atendé ku e retrasonan atministrativo ku tin den Gobièrnu i tambe pa digitalisá. Ke men durante e periodo ku señor Isenia ta na SSO por spera ku ta bai traha pa sigui profeshonalisá, alsa efisiensia i optimalisá Gobièrnu su atministrashonnan dor di krea maneho i proseduranan nobo i moderno ku ta kumpli ku lei. Aparte di esaki, lo start ku trayektonan pa yega na un transformashon digital den SSO sin ku ningun personal mester keda afektá negativamente. Tur esaki ku un tim ku ta bai kana e kaminda di optimalisashon.

Sr. Isenia ta konosí komo direktor di e departamento di komunikashon di Gobièrnu di Kòrsou. Durante su periodo einan, a pèrkurá pa transformá e departamento di komunikashon den un organisashon ful profeshonalisá ku ekspertonan di komunikashon kualifiká. Ademas, a digitalisá e departamento kompleto pa asina fasilitá komunidat i prensa ku informashon – espesialmente durante e periodo di pandemia. Aparte di su estudio di ingenieria i komunikashon, señor Isenia a finalisá e estudio di Masters in Business Administration (MBA) tambe.

Sra. Reyeanne Goilo lo liderá e departamento di komunikashon di Gobièrnu durante señor Isenia su ousiensia i por spera ku e departamento lo sigui funshoná den e mésun óptima forma.

 

---

 

WILLEMSTAD – Per afgelopen woensdag 16 oktober heeft de heer Maharo Isenia (45) tijdelijk de leiding over de organisatie “Shared Service Organization” (SSO) van de Regering van Curaçao op zich genomen. SSO bestaat uit zes afdelingen – elk met een afdelingshoofd – en ongeveer 250 ambtenaren. Het gaat om de diensten IT helpdesk, facilitaire diensten, centrale inkoopdiensten, salarisadministratie, personeelsadministratie en documentbeheer (archivering). Naast zijn taak om leiding te geven aan SSO, maakt de heer Isenia ook deel uit van de stuurgroep die belast is met de digitalisering van de Regering van Curaçao.

SSO valt onder het Ministerie van Bestuur, Planning en Dienstverlening (BPD), geleid door minister Hato. Voor minister Hato is het uitermate belangrijk om de administratieve achterstanden binnen de overheid aan te pakken en tevens de digitalisering door te voeren. Tijdens de periode dat de heer Isenia bij SSO is, wordt verwacht dat er gewerkt zal worden aan verdere professionalisering, het verhogen van efficiëntie en het optimaliseren van de overheidsadministratie door nieuwe en moderne processen en werkwijzen te creëren die voldoen aan de wetgeving. Daarnaast zal er gestart worden met trajecten voor digitale transformatie binnen SSO, zonder dat personeelsleden negatief worden beïnvloed. Dit alles wordt gerealiseerd met een team dat de weg naar optimalisatie zal bewandelen.

De heer Isenia staat bekend als directeur van de communicatieafdeling van de Regering van Curaçao. Tijdens zijn periode daar heeft hij de transformatie van de communicatieafdeling geleid naar een volledig professionele organisatie met gekwalificeerde communicatie-experts. Bovendien heeft hij de gehele afdeling gedigitaliseerd om de gemeenschap en de pers beter van informatie te voorzien – met name tijdens de pandemie. Naast zijn studies in engineering en communicatie, heeft de heer Isenia ook zijn Master of Business Administration (MBA) afgerond.

Mevrouw Reyeanne Goilo zal tijdens de afwezigheid van de heer Isenia de communicatieafdeling van de overheid leiden. Het wordt verwacht dat de afdeling in dezelfde optimale vorm zal blijven functioneren.