Detenshon pa violensia relashonal

KOMUNIKADO DI PRENSA 449/2024
19 òktober 2024
Detenshon pa violensia relashonal
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djasabra 19 di òktober 2024 alrededor di 02.35’or, Sentral di Polis a dirigí polis pa
Marconiestraat, pa un kaso di violensia relashonal.
Na e adrès enkestion, un dama a splika e unidat ku e i su partner tabata na un fiesta i dado
momentu a surgi un diskushon entre nan.
E hòmber a dal e dama na algun okashon moketa den su kara. Polis a konstatá ku e dama
tabata sangra na nanishi i tabatin diferente mancha kòrá na su kara.
E hòmber L.F.A.F di 54 aña di edat nasé na Repúblika Dominicana ku ainda tabata na e
sitio a keda detené pa violensia relashonal i hibá warda di reshèrshi.
Einan a presentá e sospechoso dilanti di un fiskal ouksiliar, ku a ordená su enkarselamentu
pendiente di mas investigashon.
