Kaso di bringamentu i tiramentu ku herido

KOMUNIKADO DI PRENSA 448/2024
19 òktober 2024
Kaso di bringamentu i tiramentu ku herido
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djabièrnè 18 di òktober 2024 alrededor di 13.26’or, Sentral di Polis a risibí informashon di
un kaso di bringamentu na un negoshi na Veeris i testigunan a tende algun tiru.
Mesora a dirigí polis na e sitio i e promé unidat ku a yega, a topa ku un pikòp dwars riba
kaya. Mas leu a konstatá ku e pikòp aki a dal kontra di un otro outo ku tabata den e
serkania.
Di un trahadó di e negoshi polis a komprondé ku un ratu promé tabatin un bringamentu i ku
paden tin un víktima.
E hòmber aki tabata keha di dolónan interno i a deklará na polis ku un ratu promé, algun
hòmber a bin bringa kuné debí na un problema bieu ku e tin ku nan.
Ambulans ku a yega na e sitio a tira un bista riba e víktima i despues a dirigi’é pa su dòkter
di kas.
Kontinuando ku e investigashon, polis a tuma nota di tres perforashon di bala na e pikòp.
Riba e stul e agentenan a enkontrá un bala skèrpi i tambe manchanan di sanger.
A konfiská e pikòp i hib’é warda, mientras ku lo kontinuá ku mas investigashon den e kaso
aki.
