KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Reto di polítiko Kristian

Reto di polítiko Kristian

 

Komo un lider spiritual pa un temporada e situashon di polítika ta halando nos atenshon mas i mas, mirando ku e tema aki tambe ta di suma importansia pa nos komunidat kristian.

Nos a tuma nota ku tin diferente pensamentu den esaki i tambe hopi reto pa e politikonan kristian ku ta of ke drenta den gobiernu. Lamentabelmente e komunidat kristian ta ser desfroudá di nan ekspektativanan ora nan ta mira e politikonan kristian of asta asina yama e partidonan kristian demókrata. Esaki ta pone ku e konfiansa pa vota pa asta un kristian polítiko en realidat ta bahando. Pa e motibu aki e ta un tema ku nos mester dil kuné pa asina nos por tin un gobiernu balansá i íntegro pa Kòrsou por ta mas miho sirbi.

 

Den e kuadro aki, Life Changers Foundation ta organisá un anochi di informashon pa nos por elaborá riba esaki, wak kiko e retonan ta i kon nos mester sigi pa dilanti pa asina kristiannan tambe por tin e influensia korekto den gobiernu pa nos pais por floresé den tur aspekto di palabra. Nos a invitá diferente oradornan entre otro Mr. Quincy Girigorie, Dr. Yves Schoop, Drs. Josephine Provence, Sra. Cynthia Ortega-Martijn guiá pa anfitrion pastor Widney Martha.

 

Tur e oradornan ta kristiannan ku ta di un of otro manera envolví den polítika, pues nan tin eksperensia pa por elaborá riba e tòpiko aki. Lo tin oportunidat pa hasi pregunta tambe pa asina por trese mas aklarashon tokante e tòpiko aki.

 

E anochi aki lo tuma lugá djabièrnè 25 di oktober 2024 na Biblioteka Nashonal di Kòrsou na Fokkerweg (Schottegatweg Zuid 36). Entrada ta grátis. Porta ta habri 19:00 or. Orario ta di 19:30 pa 21:30 di anochi. Pa pregunta i òf mas informashon por tuma kontakto na +5999 6709626

 

639114718427035"
639114718427035"