Tópiko: Durante di reunion di 24 di yüli i 27 di yüli 2020, a keda demostrá un biaha mas ku gabinete Rhuggenaath no ta gosa di un mayoria den Parlamento

Willemstad, 27 di yüli 2020

 

Na:  Gobernador di Kòrsou,

        Señora L. George-Wout

        Fort Amsterdam

        PRESENTE

 

Tópiko: Durante di reunion di 24 di yüli i 27 di yüli 2020, a keda demostrá un biaha mas ku gabinete Rhuggenaath no ta gosa di un mayoria den Parlamento

 

Ekselensia,

 

Dianan 21 di yüli 2020, nuebe Miembro di Parlamento a manda un karta, huntu ku esun di Parlamentario señor Calmes di un dia promé, indikando ku gabinete Rhuggenaath no tin un mayoria den Parlamento. 

 

For di dia 20 di yüni 2020, a bin un puesto vakante den Parlamento despues di fayesimentu di señor Millerson (q.e.p.d.). Riba 17 di yüli, despues di 27 dia a presentá kredensialnan di señora Alcala-Walle den Parlamento kaminda ku Parlamento a aprobá e kredensialnan di señora Alcala-Walle. Señora Alcala-Walle mester a huramentá mes dia serka su Ekselensia pero a bini un kambio nobo pa dia 23 di yüli pero e huramentashon tampoko no a tuma lugá. 

 

Den e karta (anekso) di dia 22 di yüli 2020, di gabinete di Gobernadó, di direktor di gabinete di Gobernadó señor Mr. P.T. Benschop ku e tópiko ”Geen steun aan Kabinet Rhuggenaath, waardoor ook geen meerderheid in de Staten”, “ kenmerk BU-20/054/MCB “ señor Benschop ta indiká ku e karta ariba menshoná lo keda manda pa Minister Presidente pa tratamentu.

 

Ekselensia ta for di djaluna 20 di yüli 2020, Kòrsou ta keda goberná pa un gobièrnu ku no tin sosten di un mayoria den Parlamento esaki ta krea un presedente sin igual den nos pais.

 

Den prosès verbal di Parlamento (mira athunto) di reunionnan fecha 24 i 27 di yüli 2020, Parlamento ta konfirmá ku Gabinete Rhuggenaath nos ta gosa di un mayoria den Parlamento.

 

Lokual ku ta pasando den nos pais ta algu hopi grave i esaki ta rekerí atenshon di forma  inmediato i urgente. Nos pais no meresé di keda goberná di e forma iresponsabel manera ku ta sosodiendo aktualmente. Na e momentonan aki nos pais  meresé atenshon pa trese un solushon rápido, den e situashon ku partidonan ku ta forma gobièrnu  mes a krea.  

 

E problema aki ta manda señalnan hopi negativo den direkshon di pais ku a lo tin komo konsekuensia efektonan nosivo dje maneho ku ta hibando i ku esaki seguramente lo bai tin konsekuensianan devastador pa Kòrsou. 

 

Resumiendo;

Saliendo for di e punto di bista konstitushonal kaminda komo gobernadó i kabes di gobièrnu bo persona por, ora ta trata asuntunan gubernamental di tin bo propio pensamentu. MFK den e kaso aki ta urgi bo persona i ta hasi na bo un yamada dramátiko pa hasi tur loke ku ta na bo alkanse pa terminá e situashon no konstitushonal i 

a-demokrátiko reinante, kaminda gabinete Rhuggenaath ta fungi for di 20 di yüli 2020 sin tin respaldo di un mayoria den nos Parlamento. Tin diferente opshon ku por wòrdu ehekutá/tuma pa solushoná e problema aki.

 

Gabinete Rhuggenaath ta tuma su retiro i habri kaminda pa un otro gobièrnu òf por bin ku un gabinete Nashonal. Tambe gabinete Rhuggenaath por apliká artíkulo 53 di Areglo di Estado, pa disolvé Parlamento i yama elekshon den 3 luna;

 

Suskrito ta informá su Ekselensia, ku demokrasia di Kòrsou ta na peliger i gabinete Rhuggenaath no ta respetá nos demokrasia. Apesar ku gabinete Rhuggenaath no ta gosa di un sosten di mayoria den Parlamento, nan ta keda sinta riba e stul den fòrti di forma ilegal.

 

Atentamente,

 

______________________

Gilmar  Pisas  

Lider di frakshon di MFK

 

Anekso:   Kopia karta dia 22 yüli 2020

                Kopia prosès verbal dia 24 i 27 di yüli 2020

Gilmar “Pik” Pisas

This site uses Akismet to reduce spam. Learn how your comment data is processed.

error: Content is protected !!
%d bloggers like this: