Kòrsou strategikamente mester pone hende na embahada nan Hulandes ku benefisio ekonómiko

           Kòrsou mester definí kiko Kòrsou ke nifiká pa mundu

Kòrsou strategikamente mester pone hende na embahada nan Hulandes ku benefisio ekonómiko

                        Tin tratado di amistat entre Merka i Reino Hulandes. Ban uza e tambe

Lider polítiko di Trabou pa Kòrsou, sr. Rennox Calmes: Kòrsou mester pone yiunan di tera na embahadanan Hulandes ku ta strategiko pa ekonomia di Kòrsou. Esaki pa garantisá ku nos kos nan ta keda atendé ku prioridat i pa garantisá kontakto direkto. Tin ún tratado di amistat entre Merka i Reino Hulandes. E tratado aki Kòrsou tambe mester saka probecho for di djé. E tratado ta regla asuntunan diplomatiko, ekonómiko i teknologiko. E tratado aki ta for di
aña 1782. E la origina después ku Hulanda a yuda merka den e guera pa Merka bira independiente for di e Britanikonan. Tempu Tromp tábata presidente, ela bisa ku ta ún di e tratadonan di mas largu ku a dura. P’esei tambe Merka ta e país number 1 ku ta hasi negoshi ku Hulada i Hulanda number 3 serka Merka. Debi na e tratado aki, nunka Hulanda i Merka lo laga otro kai. Kòrsou mester saka benefisio for di e tratado aki. Si nos tresé e tratado na awendia, p’esei no a aseptá ku pa motibu di entre otro embargo riba Venesuela, Kòrsou mester sufri ku siere di refinería sin risibi otro oportunidat ekonómiko pa pueblo di Kòrsou. Pa motibu ku e efekto di e embargo, a afektá tur siudadano biba na Kòrsou i no mester sinta man krusa.
Ta resalta ku nos politikonan no tin saku di karson pa atendé e tópikonan aki.

Awor ku diskushon di 70 aña statuto ta na diskushon, ta bon momentu pa atendé kon ta atendé ku asuntunan di eksterior i Kòrsou su representashon pa embahadanan Hulandes. Algu ku te na e momentunan aki ta kai bòu di Hulanda.
Segun Calmes: mi si tin saku di karson i p’esei mi a para ariba i sòru pa ankra den e lista di palabrashon nan di IPKO, pa atendé defisit demokratiko den 70 aña statuto den aña 2025. P’esei awor tur e diskushon nan i tambe ún konseho liber di “raad van State” ku ta mustra riba diferente punto ku mester atendé pa ku Statuto. E konseho aki a wòrdu presentá den sala na UOC. Aki tambe ta resultá ún bia mas ku nos polítiko nan no tin saku di karson pa atendé e tópikonan aki. Hopi bia polítiko nan no a hasi nada pa motibu di miedu di hiba e diskushon nan aki ku Gobièrnu Hulandes pa no pèrdè loke tin. Según Calmes: ku miedu bo no por goberná un país.

Ta importánte pa nos tin nos yiunan di tera na embahadanan pa nos por atendé di forma direkto i kuida nos interes nan. Kada bes den Parlamento Calmes ta risibí e kontesta ku ta debi ku no tin sèn, no tin nos mes hendenan na embahadanan Hulandes. Pero esaki ta segun interes di kada gobièrnu. Kòrsou ta ún paso chikí ku ta dependé di lasonan ku otro paísnan. Kòrsou mester definí kiko Kòrsou ke nifiká pa mundu. E ora ei nos por prepará nos komunidat, enseñansa, labor i hinter nos ekonomia den e direkshon aki. Por ehèmpel Colombia a skohé e parti Médiko, India a skohé pa programà kòmpiuter. Ora Kòrsou definí esaki, e ora ei nos mester buta nos mes hendenan na embahadanan Hulandes na paísnan strategiko ku ta kuadra ku nos interes nan ekonómiko. Por ehèmpel, presidente di Sürnam a bin Kòrsou. Nos sa ku Sürnam awor tin petrolio. Kòrsou ta drechando su lasonan ku Sürnam. Kòrsou tin hopi konosementu den área di petrolio i refinería. Lo ta importe pa nos tin nos mes hendenan ayanan.

 

Lider polítiko di partido
Trabou Pa Kòrsou TPK, señor Rennox Calmes